Jaku Pengalu

Selamat Nemuai Ngagai Rindu Dunga-Dunga begulai sejalai enggau Sangs Nelo.......

Baju Chura Nama Kena Nuan Saritu?

31 December, 2008

PIPP Mujur Ngerembaika Pendidikan Ke Tahap Global




Antara jalai pemansangka bisi ditekanka Kementerian Pelajaran Malaysia sepemanjai taun tok ianya numbuhka 'modal insan' ti ngembuan pemandai(kemahiran) enggau penemu holistik enggau ngemai mayuh macham dimensi baru dalam ngerembaika kualiti pendidikan negara Malaysia. Tajapan bisi mayuh penanggur (cabaran), mayuh transformasi enggau pemujur ti bisi diulih, sekali gus nyadika bukti niat enggau komitmen Kementerian Pelajaran ngagai usaha nya.

Kepercayaan terus diberika Perdana Menteri, Datuk Seri Abdullah Ahmad Badawi ngagai Datuk Seri Hishamuddin Hussein ngetuaika tauka tanggungjawab ia nyadi Menteri Pelajaran sepengudah Pilihan Raya Umum ke-12, bulan 3 tok kemari. Enggau ngekalka penuduk Hishamuddin nyadi ketuai Kementerian Pelajaran, juluk ati enggau selinting "Pelan Tindakan Pembangunan Pendidikan (PTPP) 2006-2010 ianya antara pengawa ti bisi disimpan dalam kalender kementerian sigi ulih dicapai. Bukti ia terang sepengudah kad laporan prestasi PIPP nunjukka makin maju ianya 157 tauka 49.06 persen ari 320 pelan tindakan ti bisi dirancang sebedau tok ulih dipemujurka.
Lebih ngasuh ati gaga, pencapaian nyak sama dikongsi menua luar maya ia dipejuraika Hishamuddin dalam Meeting Lembaga Eksekutif Pertubuhan Pendidikan, Saintifik enggau Kebudayaan Bangsa-Bangsa Bersatu (Unesco) ke-179 di Paris, Perancis tumu April 2008 tok suba. Siri pemujur PIPP nampakka komitmen ti tinggi kementerian ngemai pendidikan menua Malaysia ngagai tahap ti tinggi termasuk ngerapatka jarak(jurang) pendidikan antara bandar enggau luar bandar ianya salah siti piagam Unesco.

Kelimpah arinya, tahun tok medaka detik ti susah(sukar) Kementerian Pelajaran nguruska isu perlaksanaan Pengajaran dan Pembelajaran Sains dan Metamatik dalam jaku Inggeris (PPSMI). Betungga enggau kritikan pedas ari macam pihak, kementerian terus ngusaha ngiga pendekatan ti manah tajapan nerima asak ti tekenyit ianya saman Gabungan Penulis Nasional sekira ia PPSMI diteruska. Tajapan, juluk segenap raban pengajar enggau rakyat ianya kementerian pelajaran ngaga pemutus ti betul sereta landik berkaul enggau masa depan PPSMI.

Berita tauka perkembangan pendidikan negara ti selalu nyadi fokus bala rakyat diarap terus mujur nyengkaum meda transformasi sistem pendidikan menua Malaysia dipejalaika enggau berhemah, sekalika ngadaka generasi bersahsiah tinggi sereta tebilang.


Posted by at No comments:

S.Gerard Kena Ukum Jil Pengelama 5 Taun Enti Ditemu Salah.


Ketuai pemain kelab Liverpool ianya Steven Gerard engka dikena ukum pengelama 5 taun enti ia bisi ditemu salah ketegal bisi belaya tauka charut ba siti palan pub Lounge Inn ke selalu endur ia lepak ngelantangka ati. Ia ditasat raban polis menua England begulai enggau 5 iku agi kaban ia laban bisi mukut pengganti DJ pub nyak ianya Marcus Mcgee,34.

Marcus DJ nerima 4 iti jait ba sebelah mua ia ketegal dipalu enggau botol kaca. Steven Gerard enggau 5 iku kaban ia deka disebutka kes kena 23 Januari 2009 ba Mahkamah Majistrat Nort Sefton. Enti ia ditemu salah, jil 5 taundeka nganti ia. Maya ke diatu bala raban polis agi nasat kes nyak.
Posted by at No comments:

29 December, 2008

Berengkah baru aku wai.

Aku cukup berasai gaga ati laban udah bediri nangkir ba blog ti baru tok sepengudah akaun blog lama nyau udah digodam ko laut...hahaha. Tang nadai ngawa laban ngarapka blog tauka ruang bilik ke baru mujur baka selama.
Posted by at No comments:
Subscribe to: Posts (Atom)

Gaga Aku diadaka ba menua Kapit

Kapit? Kala ninga nama kapit? Nama utai Kapit nyak? Kapit nyak nama orang kah? hehehe. Ukai wai madi kapit nyak alai siti palan menua ba Sarawak ianya bahagian ke -7 ba menua Sarawak. Ia mega siti-siti ia bahagian ti pemadu besai rampa menua ari kesemua 11 iti bahagian ba menua Sarawak. Menua Kapit semak enggau menua Sibu kira-kira bisi 2 jam lebih tauka 3 jam penyauh enti bejalai ngena Express laban bedau datai jalai alun kena mansang kin.


Menua Kapit agi mengkang jalai alun laban bala perintah benung dalam projek begagaka jalai kin bepun ari menua Kanawoit terus sambung ke Song udahnya datai meh ba nengeri Kapit. Menua Kapit bisi terbahagi ngagai 5 iti daerah ianya daerah Song, daerah Kapit, daerah Belaga, daerah Batang Rejang enggau daerah Balleh. Aku diau ba daerah Balleh wai madi enti kita ka nemu.

Nama utai bisi ba Kapit? Hahaha..apuuuu! mayuh utai manah-manah din wa...iii. Rugi enti nuan bedau datai nyenguk menua kapit engka enggai pulai enti udah mansang kin kini? haha laban nama kebuah? Laban menua kapit kaya enggau alam semulajadi munyi ko laut ianya bisi ngembuan mayuh macam jenis ikan eksotik ko laut baka ikan Semah, Empurau, Tapah, Baung, Enseluai, Tengadak, Adong, enggau sekeda ke ikan ti bukai kelimpah enggau mayuh macam jenis buah.
Ukai ketegal nyak aja wai madi mayuh agi menua Kapit ngembuan ai wong ti tinggi sereta patik-patik sungai. Kelimpah ari nyak menua kapit antara menua ba Malaysia tok ti ngeluarka hasil kayu balak. Mayuh camp balak ti didirika ba sebelah Batang Rejang enggau Batang Balleh. Haa..ngagai sapa-sapa ke ka gawa ba kapit alai endur mayuh endur nuan ke ka gawa ba sebelah camp gaji besai-besai wai sigi baka kereja balak meh semua nyadi tukey-tukey. Tapi ingat udah terima gaji anang enggau orang nyabung manuk enggau berjudi. Simpan duit gaji tua wai enggaika tebesau ngapa dibai ngagai kelang sabung laban ba menua kapit sigi mayuh kaki nyabung hehe ngelaika diri empu suba meh, diatu nadai agi wai udah bertaubat ko laut.
Haaa! ditu aku ka kongsi siti cerita..nuan udah bisi sulu?
udah bisi kaling? haha ba menua kapit mayuh indu dara bajik-bajik enggau lelaki ke sigat-sigat nyak. Cun nuan wai enti ka begiga ke menua kapit kin..ngiga ke bisi endur alai tekait meh aku empu pan enda nemu bakani ka madah hehe ikut hati sendili ma..haha. Pemajik enggau penyigat kira belakang meh wai madi giga ke manah ati enggau manah ngagai bala menyadi bala mentua meh.
Ok leka kitai dulu pasal nyak wai..diatu kitai ka bekelala enggau bala wakil rakyat ti megai menua kapit. Bagi ba sitak menua kapit orang ke megai nyak ianya YB Larry Sng, bagi menua sitak Rejang/Pelagus YB Billy Abit Joo enggau bagi sitak Balleh ianya YB Dato. James Jemut Masing bagi sitak ke bukai agi enda temu aku meh laban ukai ke orang aktif pasal politik gak aku tapi enggai enda madah meh nyak tadi sapa ke wakil rakyat ti megai menua kapit.

Naka tok dulu wai madi ila kitai nyambung ia baru..